اُن کے جمال و حُسن کی جب گفتگو کریں

پاسِ ادب سے بزم میں مت ہاؤ ہو کریں

مردانِ حق ہیں جام و سُبو استعارۃ

مَستی سے پہلے بیعتِ جام و سُبو کریں

آلائشوں سے شِرک کی ہو جان پاک صاف

آبِ زُلالِ نُور سے دِل کا وضو کریں

سینے کا داغ داغ بنا دیں گُل و سمن

وہ چاک چاک دامَنِ دِل کا رفو کریں

وہ خَلق کے وکیل وہ حق کی دلیل ہیں

ہم اُن کا ذِکرِ حسیں چار سُو کریں

روشن ہے کہکشاں کی طرح راہِ مُصطفٰیؐ

عام اس ضیائے پاک کو ہم کُو بکُو کریں