← اُن کی یاد اُن کا خیال
1
شہرِ بَطحا کا ہے پُر کیف سماں ‘ شام و سحر
بام و در ‘ راہگُزر مُشکِ فِشاں ‘ شام و سحر
2
بھیڑ رہتی ہے فقیروں کی گلی میں اُن کی
اُن کے در کے ہیں گَدا تاجوراں ‘ شام و سحر
3
بے نَواؤں کی سُنی جاتی ہے فریاد وہاں
قافلے غم کے ہیں ماروں کے رواں ‘ شام و سحر
4
اُس درِ پاک پہ لُٹتے ہیں زر و سیم و گُہر
عام عِرفاں کی ہے نعمت وہاں ‘ شام و سحر
5
خُشک دِل ہوتے ہیں سیراب درِ اَقدس پر
کُھلتی آنکھیں ہیں دِل و جاں کی وہاں ‘ شام و سحر
6
ہے مجھے ذِکر کی توفیق بفیضانِ نبیؐ
ہے اسی ذِکر سے یہ راحَتِ جاں ‘ شام و سحر
7
رونقِ بزم ہے یہ اُن کے کرم سے ساؔجِد
دِل شیدا ہے مِرا زمزمہ خواں ‘ شام و سحر