ہر ہر گھڑی میسّر جو شادمانیاں ہیں

اللہ کے نبیؐ کی یہ مہربانیاں ہیں

ہیں نعمتیں خُدا کی ‘ قاسِم حبیبؐ اُس کا ۔۔إِنَّمَا أَنَا قَاسِمٌ وَاللّٰهُ يُعْطِي

ارماں ہوئے ہیں پورے ‘ خُوش زندگانیاں ہیں

آفاق میں ہیں چرچے اُن کی نَوازِشوں کے

دِن ہو کہ رات لب پر اُن کی کہانیاں ہیں

روشن یہ راستے ہیں ‘ آباد شہر اُن کے

پُر آب و تاب اب تک اُن کی نشانیاں ہیں

شہرِ نبیؐ میں اب بھی خُوشبو بسی ہوئی ہے

ہر کوچے ہر گلی میں عَنْبر فِشانیاں ہیں

ماہِ صِیام میں وہ اِفطاریوں کے منظَر

سحری و وقتِ مغرب کیا میزبانیاں ہیں