← اُن کی یاد اُن کا خیال
1
مدینے کا ہے جان پرور اُجالا
یہاں رات دِن ہے برابر اُجالا
2
حسین و لطیف اُن کا پَیکر اُجالا
اُجالے کا سایا سراسر اُجالا
3
وہ نُوری بدن پرتوِ اسمِ اعظم
اُجالا خُدا کا پَیمبر اُجالا
4
مدینے کے بازار ہیں کہکشائیں
ہے ہر بام و دیوار و در پر اُجالا
5
بفیضِ نبیؐ عارفوں کی نظر میں
ہے باہر اُجالا ہے اندر اُجالا
6
حبیبِ خُدا کا نہیں کوئی ثانی
نہیں کوئی بھی اُن کا ہمسر اُجالا
7
ہر اِک دِل میں ساؔجِد ہو نُورِ نُبُوت
ہو ماہِ ہدایت کا گھر گھر اُجالا